Ang pag-aanimate ay hindi isang simpleng trabaho lang. Kelangan mo ng sipag at determinasyon, mahabang pasensya at konting talento. Pero, kung gusto mo yung pag-aanimate at nag e-enjoy ka dito, mas napapagaan yung pag gawa mo nito.
Ano ba ang dapat kailangan para makapag simulang mag-animate?

1. Drawing. Unang-una sa lahat dapat marunong ka mag drawing. Syempre, dapat maka drawing ka muna ng mga characters mo bago ka maka pag animate. Kung hindi ka naman masyadong marunong mag drawing, huwag mag-alala. Mag practice lang ng mag practice. “Practice makes perfect” ika nga.

Pwede rin sumali ka ng mga drawing classes na ino-offer ng ibang schools or sa malls. Kaya, kung ikaw ay isang estudyante at wala kang magawa sa summer subukan mo ito. Makakatulong na sa pag improve ng iyong drawing, hindi ka pa ma bo-bored sa kaka hintay ng sunod na pasukan.

Kung ikaw naman ay nagtatrabaho na at feeling mo wala ka na oras sa mga classes na eto. Pwede ka humanap ng mga online classes or tutorials. Yung iba ay may bayad pero marami ka rin mahanap na mga libreng tutorials sa youtube. Kelangan mo lang magsipag sa paghahanap.

2. Characters. Hindi porket marunong ka na mag drawing ay makapag animate ka na kaagad. Kailangan pag isipan mo muna yung mga characters na gagawin mo. Ano yung magiging pangalan nila? Ano ang magiging itsura nila? Matangkad, payat, kulot, at iba pa. Ano ang kanilang ugali? Madaldal, makulit, mahilig kumain, at iba pa. Pag na isip mo na kung ano ang kabu-uan ng pagkatao nila at yung “plot” o mga gagawin nila sa storya mo, dyan ka pa lang makapagsimulang gumawa ng sketch nila. Ako din nagkaroon ng ibat-ibang idea at sketches bago ako nag simulang mag animate. Makikita mo yung mga luma kong sketches dito.

3. Voice. Merong kang characters at storya (kasama na yung script) so ano na ngayon? Pwede ka na ba mag animate? Ang sagot, hindi pa. Kelangan mo muna bigyan sila ng boses. Ang boses ng character ay isang importanteng elemento na magbibigay sa kanila ng buhay. Kaya kung mag re-record ka ng boses kailingan gandahan mo at bigyan ng magandang expression. Hindi yung parang halata na nagbabasa ka lang ng script. Ang magandang example nito ay yung mga cartoons natin na lumalabas sa local tv. Usually, ang original version nito ay Japanese or English tapos na dubbed lang sa tagalog.

Huwag gumamit ng “text to speech” na softwares kasi mag bo-boses sila na parang robot. Kung ayaw mo naman i-record ang boses mo, pwede ka magpatulong sa pamilya, kamag-anak o kaibigan mo. Pag marami ka naman pera, pwede ka mag-hire ng voice actors.

4. Software. Sa step na eto, dapat meron ka ng characters, plot at voice recording. Pag may kulang pa, kelangan mong balikan at i-review ang ibang steps sa taas. So ano yung animation software? Eto yung tutulong sa iyo upang makagalaw at makapagsalita yung mga characters mo at magmumukha sila buhay na buhay.

Yun lang wala ako ma-suggest na pinaka the best na animation software. Kasi sa panahon ngayon, maraming na nagsilabasan na iba’t-ibang klase. Ikaw na lang maghanap at mag subok depende sa style na gusto mo at sa budget mo. Meron dyan free or free-trial, para masubukan mo muna bago mo bilhin ang software.

Ang pinaka unang-una ko na animation ay mapapanood mo dito.

5. Final Touches. Binabati kita at nakarating ka sa step na eto. May video animation ka na, pero hindi pa nagtatapos dyan. Pwede mo pa pagandahin lalo yung animation mo sa paglalagay ng iba’t-ibang mga palamuti katulad ng sound effects or mga background music. Pero dapat tandaan, yung mga effects ay hindi mo kinuha sa isang sikat na movie or ang music sa isang sikat na artist. Kasi mafa-flag yung video mo at ibabagsak ng youtube. Sayang naman yung pinaghirapan mong animation. Ang mas maganda ay original na gawa mo or maghanap ka ng mga websites na nagbibigay ng free na effects at music.

Sa step na eto, dito ka rin dapat nag re-review kung may kulang o mali yung kabuuang video mo. At kung merong kulang or mali, dapat mong ulitin step 4 (o iba pang steps).

Tandaan, hindi madali gumawa ng animation. Ang simpleng joke video ko ay nagagawa ko ng isa hanggang dalawang araw. Yung mahirap naman katulad ng Kamay na Bakal ay umaabot minsan hanggang limang araw, lalo na pag may bagong mga characters. Kaya dapat talaga masipag ka at mahaba yung pasensya mo dito. Well ganun talaga, “Kapag may sipag may Nilaga”.